Миңнуллин Бәхтияр Ким улы

Филология фәннәре кандидаты, гомуми тел белеме бүлеге мөдире.

1986 елның 19 апрелендә туа. 2003-2008 елларда Казан дәүләт университетының Көнчыгыш телләр институты студенты. Белгечлеге – филолог; төрек теле һәм әдәбияты, инглиз теле укытучысы. 2005–2006, 2007 елларда Төркиядә, Истанбул һәм Эгей (Измир) университетларында, тел стажировкалары үтә.

2008-2010 елларда Г.Ибраһимов исем. Тел, әдәбият һәм сәнгать институтының гомуми тел белеме бүлеге аспиранты.

2010 елда 10.02.02 – Россия Федерациясе халыклары телләре (татар теле) белгечлеге буенча кандидатлык диссертациясен яклый. Диссертациянең темасы – «Борһане Тәрәкъкый» газетасының теле (1906–1911)», фәнни җитәкчесе – ф.ф.д., проф. Ф.Й. Йосыпов.

2009-2012 елларда Г.Ибраһимов исем. Тел, әдәбият һәм сәнгать институтының гомуми тел белеме бүлегендә фәнни хезмәткәр, соңрак – өлкән фәнни хезмәткәр булып эшли.

2012 елның октябреннән Г.Ибраһимов исем. Тел, әдәбият һәм сәнгать институтының гомуми тел белеме бүлеге мөдире вазыйфаларын башкара

30дан артык фәнни басма, бер монография (299 б.) авторы, яшь галимнәр һәм аспирантларның «XXI гасыр фәне. Филология һәм сәнгать белеме мәсьәләләре» дип исемләнгән 3 фәнни конференциясен оештыручы, конференция материалларын туплаган ике җыентыкның фәнни мөхәррире (221 һәм 290 б.), бер җыентыкның төзүчесе (300 б.).

Фәнни тикшеренү өлкәсе: иске татар язма әдәби теле, ХХ йөз башы татар газетасы теле.

Элемтә өчен: Казан, К. Маркса, 12.

Центр перспективных экономических исследований Академии Наук РТ 50 лучших инновационных идей для Республики Татарстан Виртуальный музей-библиотека Академии Наук Республики Татарстан Татарстанский ЦНТИ