21.10.2019
2019 елның 25 октябрендә «Россия – ислам дөньясы» стратегик караш төркеме Татарстан Республикасы Фәннәр академиясе белән берлектә «Айтматов укулары – мәдәниятләр диалогы өчен» язучылар һәм интеллектуалларның III Халыкара форумын үткәрә (алга таба – «Айтматов укулары»).
24.09.2019
2019 елның 20 сентябрендә Г. Тукайның әдәби музеенда чын мәгънәсендә тарихи вакыйга булды. Шагыйрь, тәрҗемәче, җәмәгать эшлеклесе Сәгыйть Сүнчәләйнең тууына 130 ел тулу уңаеннан әдәби-музыкаль кичә булып үтте. Әлеге кичә кысаларында Г. Ибраһимов исемендәге Тел, әдәбият һәм сәнгать институты галимнәре: Язма һәм музыкаль мирас бүлегенең баш фәнни хезмәткәре, филология фәннәре докторы, профессор Зөфәр Зәйни улы Рәмиев «Соловкида атылган шагыйрь», композитор, сәнгать фәннәре кандидаты, театр һәм музыка бүлеге мөдире Эльмира Мөнир кызы Галимова «Сәгыйть Сүнчәләй һәм музыка» дип исемләнгән докладлары белән чыгыш ясадылар.
13.09.2019
2019 елның 11 сентябрендә, ТР ФА нең Г. Ибраһимов исем. Тел, әдәбият һәм сәнгать институты оешуга 80 ел тулуга багышланган чаралар кысаларында, “Милли әдәбиятлар хәзерге этапта: Фәнни концепцияләр һәм гипотезалар” дигән темага Түгәрәк өстәл булды. Түгәрәк өстәлдә сөйләшү түбәндәге проблематикага караган мәсьәләләр тирәсендә барды: әдәбиятара үзара бәйләнешләрнең теоретик мәсьәләләре; милли тарихи-әдәби процесс теориясе; хәзерге этапта милли әдәбият белеме: концепцияләр, мәктәпләр, традицияләр, эзләнүләр.
13.09.2019
Г. Ибраһимов исем. Тел, әдәбият һәм сәнгать институтының 80 еллыгы уңаеннан үздырылган тантаналы чара Татарстанның гыйльми бергәлеге, Россия һәм якын чит илләр тюркологлары, Татарстан Республикасы дәүләт органнары, фәнни һәм фәнни-белем бирү учреждениеләре, Татарстан Язучылар берлеге, массакүләм мәгълүмат чаралары вәкилләре катнашында үтте.
13.09.2019
Агымдагы 2019 ел Галимҗан Ибраһимов исем. Тел, әдәбият һәм сәнгать институты өчен – юбилей елы. Россия фәне киңлеген барлыкка китерүгә әһәмиятле өлеш керткән һәм Идел буендагы иң өлкән фәнни-тикшеренү учреждениеләренең берсе бу көннәрдә үзенең 80 еллыгын билгеләп үтә. Әлеге күренекле датага багышланган чаралар 10 сентябрьдә “XXI гасыр төрки тел белеме: лексикология һәм лексикография” дигән Халыкара фәнни-гамәли конференция белән башланып китте.
06.09.2019
2019 елның 10-11 сентябрендә Татарстан Республикасы Фәннәр академиясенең Г.Ибраһимов исемендәге Тел, әдәбият һәм сәнгать институты оешуга 80 ел тулу уңаеннан түбәндәге чаралар үткәрелә:
1) «XXI гасыр төрки тел белеме: лексикология һәм лексикография» Халыкара фәнни конференциясе;
2) «Хәзерге чорда милли әдәбиятлар: фәнни концепцияләр һәм гипотезалар» темасына Түгәрәк өстәл;
3) Татарстан Республикасы Фәннәр академиясенең Г.Ибраһимов исемендәге Тел, әдәбият һәм сәнгать институты оешуга 80 ел тулу уңаеннан тантаналы утырыш;
4) «Дөнья тел картинасы» ХХХI Халыкара Көзге фәнни мәктәп эше.
29.07.2019
2019 елның 21 июнендә Татарстан Фәннәр академиясенең Г. Ибраһимов исемендәге Тел, әдәбият һәм сәнгать институты гомуми тел белеме бүлеге әйдәп баручы фәнни хезмәткәре, филология фәннәре кандидаты Фәүзия Кәбир кызы Сәгъдиева һәм лексикография бүлегенең өлкән фәнни хезмәткәре, филология фәннәре кандидаты Эльвира Ирфат кызы Сафина Санкт-Петербург шәһәренең Чит телләр институты оештырган “XXI гасыр лингвистикасы: традицияләр һәм инновацияләр” дип исемләнгән XXX Халыкара фәнни конференциядә катнаштылар.
29.07.2019
Г.Ибраһимов исемендәге Тел, әдәбият һәм сәнгать институтының чираттагы комплекслы экспедициясе 11 июньнән 24 июньгә кадәр Төмән өлкәсенең Тубыл һәм Вагай районнарында эшләде. Институтның фән эшләре буенча урынбасары Олег Хисамов җитәкчелегендәге экспедиция ике атнага якын вакыт эчендә 18 авылда һәм Тубыл шәһәрендә халыкның рухи мәдәниятен төрле яктан өйрәнде, материал туплады.
31.05.2019
«Балалар дөньясы: рухи кыйммәтләрне яклау һәм үстерү»
Әлеге исемдәге түгәрәк өстәл 31 майда, Халыкара балаларны яклау көне алдыннан, Татарстан Республикасы Фәннәр академиясендә узды.
24.05.2019
Татарстан Республикасы Фәннәр академиясенең Г.Ибраһимов исемендәге Тел, әдәбият һәм сәнгать институты коллективы тормыш иптәше Баязитов Марс Салих улы вафат булу сәбәпле, филология фәннәре докторы Флера Сәет кызы Баязитованың, балалары һәм туганнарының тирән кайгысын уртаклаша.
24.05.2019
2019 елның июнендә ТР ФА Г.Ибраһимов исемендәге Тел, әдәбият һәм сәнгать институты Азнакай районының татар авылларында комплекслы экспедицияләр үткәрүне планлаштыра. Беренчел чыганакларга нигезләнеп үткәрелгән тикшеренүләр кысаларында тел үзенчәлекләре, археография һәм эпитафиканың борынгы үрнәкләре, халык иҗаты һәм музыкаль фольклор жанрлары, шулай ук тасвири-гамәли сәнгатьнең төрле төрләре өйрәнеләчәк. Азнакай районына комплекслы экспедициянең җитәкчесе итеп театр һәм музыка бүлеге мөдире, сәнгать фәннәре кандидаты Галимова Эльмира Мөнировна билгеләнгән.
22.05.2019
2019 елның 21 маенда Татарстан Республикасы Фәннәр академиясе Г. Ибраһимов исемендәге Тел, әдәбият һәм сәнгать институтында татар һәм рус телендә белем бирүче гомуми белем бирү оешмаларының башлангыч сыйныфларында татар теле һәм әдәбияты укытучылары белән "1-2 сыйныфлар өчен "Туган (татар) тел" предметы буенча дәреслекләренең методик аппараты: анализ һәм перспективалар" исемле республика семинары узды.
20.05.2019
2019 елның 15-18 маенда Беларусь Республикасының Минск шәһәрендә «Лексикографиянең бүгенге проблемалары» XIV Халыкара фәнни конференция узды. Конференциягә Беларусь Республикасы, Россия, Чехия, Австрия, Польша, Украина һәм башка илләрдән танылган галимнәр чакырылган иде.
20.05.2019
Санкт-Петербург дәүләт университеты Көнчыгыш факультеты төрки филологиясе кафедрасында 2019 елның 16 - 17 маенда күренекле тюрколог С.Н. Ивановка багышланган «XXI Иванов укулары” халыкара конференциясе үтте.
19.04.2019
Быел Татарстан Республикасы Фәннәр академиясенең Г.Ибраһимов исемендәге тел, әдәбият һәм сәнгать институтының төзелүенә 80 ел тула. Шуны истә тотып, институтта үткәрелгән гыйльми тикшеренүләрнең нәтиҗәләре белән киң җәмәгатьчелекне таныштыру максатында, бу көннәрдә аеруча мөһим хезмәтләрне презентацияләүгә дә зур әһәмият бирелә. Шундый чараларның берсе Кама Тамагы районында үткәрелде: Институтта текстология юнәлешендә эш алып барган галимнәрдән М.И.Ибраһимов, Ф.Х. Алиева, Ф.Г. Фәйзуллина, З.З. Рәмиев һәм З.Г. Мөхәммәтшин 17 апрельдә районның бер төркем мәгариф һәм мәдәният хезмәткәрләре белән очраштылар.
28.03.2019
26 нчы мартта күренекле галим, филология фәннәре докторы, профессор, Татарстан Республикасының атказанган фән эшлеклесе, Язма һәм музыкаль мирас үзәге баш фәнни хезмәткәре Әхмәтҗанов Марсел Ибраһим улына 80 яшь тулды.
18.03.2019
14-16 мартта Пермь крае Барда районында фольклорчы галим Рәшит Ягъфәровны искә алу уңае белән оештырылган VI край фестивале «Ягъфәров укулары» узды.
18.03.2019
2019 елның 14–15 мартында Саранск шәһәренең М.Е.Евсеев исемендәге Мордва дәүләт педагогика институтында М.Е.Евсеевның 155 еллыгына багышланган фәнни-гамәли конференция – 55нче Евсеев укулары булып узды.
04.03.2019
2019 елның 1 мартында Г. Ибраһимов исемендәге Тел, әдәбият һәм сәнгать институтының лексикография бүлеге өлкән фәнни хезмәткәре Эльвира Ирфат кызы Сафина Лаеш шәһәре мәдәният йортында үткән Россиякүләм «Әдәби марафон»ның йомгаклау тантанасында катнашты.
01.03.2019
26 февральдә Фәннәр академиясенең Кече залында Галимҗан Ибраһимов исемендәге Тел, әдәбият һәм сәнгать институтының 2018 ел нәтиҗәләре буенча йомгаклау утырышы булып узды.
