«Рус теле буенча ГИА-2024: КИМ эчтәлек үзенчәлекләре һәм эшләнмәне чыгаручылардан тәкъдимнәр» Республика семинары
20 Ноября 2023
Татарстан Республикасы Фәннәр Академиясенең Квалификация күтәрү үзәге, «Имтихан» нәшрияты (Мәскәү шәһәре) белән берлектә, Татарстан Республикасы мәгариф хезмәткәрләренә мәгълүмати-методик ярдәм күрсәтү максатыннан, 2023 елның 18 ноябрендә гуманитар циклны күзәтүче методистлар һәм рус теле һәм әдәбияты укытучылары өчен «Рус теле буенча ГИА-2024: КИМ эчтәлек үзенчәлекләре һәм эшләнмәне чыгаручылардан тәкъдимнәр» республика гамәли-ориентлы семинар үткәрде. Чара Казан шәһәре Совет районы «11нче күп профильле лицей» МАОУ базасында уздырылды.
Республика семинары эшендә 551 кеше катнашты.
Семинарның рәсми ачылышында сәламләү сүзе белән Татарстан Республикасы Фәннәр академиясе вице-президенты Тимерханов Айнур Әхәт улы, һәм «Имтихан» нәшриятының төбәкләр белән эшләү буенча директоры Мирошниченко Сергей Георгиевич чыгыш ясады.
Семинарда түбәндәге сораулар каралды:
1. Рус теле буенча ОГЭ/БДИ үткәрү кысаларында укучыларның предмет, метапредмет нәтиҗәләренә таләпләрне карау.
2. ОГЭга әзерлек КИМ эшләнмәсенең 2 нче өлешеннән төрле типтагы биремнәрне үтәү алгоритмнарын ачыклау.
3. Рус теле буенча иң зур кыенлыклар тудырган биремнәрне үтәүгә укучыларны әзерләүнең нәтиҗәле алымнары турында фикер алышу.
4. Имтиханда (ОГЭ, БДИ) инша һәм изложение язганда типик хаталарны җиңү ысуллары.
Педагогика фәннәре кандидаты, рус теле буенча ГИА КИМ (ФИПИ) эшләү комиссиясе җитәкчесе, ОГЭ һәм БДИга әзерлек буенча кулланмаларның автордашы Роман Анатольевич Дощинский яңа демоверсия үзенчәлекләре, КИМ-2024 структурасын һәм эчтәлеген үзгәртүнең актуаль мәсьәләләре, имтихан биремнәрен башкаруның нәтиҗәлелеген арттыру буенча киңәшләр белән таныштырды, семинарда катнашучыларның сорауларына җавап бирде.
«Имтихан» нәшриятының уку – методик әдәбиятын сату күргәзмәсе оештырылды.
Семинар тәмамлангач, катнашучылар сертификатлар һәм лектор чыгышының презентациясен алдылар.
Катнашучылар семинарның гамәли-ориентлылыгын һәм укыту характерын билгеләп үттеләр, лектор Р.А.Дощинскийга һәм чараны оештыручыларга рәхмәт сүзләрен белдерделәр.
Татарстан Республикасы Фәннәр Академиясенең Квалификация күтәрү үзәге «Имтихан» нәшриятына, Казан шәһәре Башкарма комитетының Мәгариф идарәсенә, Казан шәһәре Совет районы «11нче күп профильле лицей» МАОУ администрациясенә рус теле буенча «ГИА-2024» республика гамәли-ориентлы семинары оештыруда һәм үткәрүдә ярдәм күрсәткәне өчен зур рәхмәт белдерә.
Дощинский Р.А. презентациясенә сылтама рус теле _2024, 18 ноябрь 2023 ел