ТР Фәннәр академиясенең Гаилә һәм демография үзәге РФ Иҗтимагый палатасында III Бөтенроссия Аңлы ата-аналар мәктәпләре форумында катнашты
13 Ноября 2023
2023 елның 9 ноябрендә ТР Фәннәр академиясенең Гаилә һәм демография үзәге Мәскәүдә «Россиядә демографик сәясәтне гамәлгә ашыру: проблемалар, үсеш перспективалары һәм закон чыгару карарлары» темасына РФ Федераль Собраниесе Дәүләт Думасының Гаиләне, балаларны һәм гаилә кыйммәтләрен яклау буенча РФ Иҗтимагый палатасы комиссиясе тарафыннан оештырылган III Бөтенроссия Аңлы ата-аналар мәктәпләре форумында катнашты. Чара РФ Мәгариф министрлыгы ярдәме белән уздырылды.
Форумның максаты: традицион гаилә кыйммәтләрен ныгытуга, гаилә иминлеген һәм социаль ятимлекне профилактикалауга юнәлдерелгән иҗтимагый инициативаларга методик ярдәм күрсәтү, балалы гаиләләргә психологик-педагогик ярдәм элементы буларак бөтенроссия мәктәпләр һәм ата-аналар клублары челтәрен үстерү.
ТР Фәннәр академиясенең Гаилә һәм демография үзәге директоры, социаль фәннәр докторы, РФА иҗтимагый фәннәр бүлегенең «Россиянең демографик һәм миграция проблемалары» фәнни советы әгъзасы Ч.И.Илдарханова «Аналар, аталар һәм балалар өчен программалар: Гаилә белеме һәм ата-аналар мәктәпләренең дәвамлылыгы» түгәрәк өстәле эшендә «Гаилә белеме: Россия Федерациясендә реаль социаль гаилә институтының нормасы һәм тайпылышы» дигән доклад белән катнашты.