«Хәзерге дөньяда традицион мәдәниятне саклау һәм үстерү тәҗрибәсе» халыкара фәнни-гамәли конференциясе
31 Октября 2023
Татарстан Республикасы Фәннәр академиясендә 30-31 октябрьдә «Хәзерге дөньяда традицион мәдәниятне саклау һәм үстерү тәҗрибәсе. Халык сәнгать кәсепләре» конференциясе уздырыла. Чара Татарстанда милли мәдәниятләр һәм традицияләр елына багышланган.
ТР Фәннәр академиясе президенты Рифкать Миңнеханов үзенең сәламләү сүзендә чарада катнашучыларга рәхмәт белдерде һәм киләчәктә халык сәнгать кәсепләрен, конструктив диалогны һәм безнең илләр һәм халыклар арасында күп гасырлык мәдәни һәм фәнни элемтәләрне үстерүдә нәтиҗәле хезмәттәшлектә уңышлар теләде.
Конференция кысаларында ТР Фәннәр академиясе бинасының беренче һәм икенче катларында «Хәзерге дөньяда Идел буе һәм Урал буе халыкларының традицион мәдәнияте» күргәзмәсе уза, анда костюм комплекслары һәм халык сәнгать кәсепләре эшләнмәләре тәкъдим ителә. Күргәзмәдә катнашучылар оештырылган күргәзмәләр кысаларында туку һәм чигү буенча мастер-класслар үткәрәләр.
ТР ФА Г.Ибраһимов исемендәге Тел, әдәбият һәм сәнгать институты оештырган конференциядә Әзербайҗан, Казахстан, Үзбәкстан, Ижевск, Йошкар-Ола, Саранск, Чебоксар, Уфа, Ярославль һ.б. ил һәм шәһәр галимнәре, шулай ук Татарстан Республикасы Фәннәр академиясе, республиканың фән һәм фән һәм мәгариф учреждениеләре, массакүләм мәгълүмат чаралары вәкилләре катнаша.