Яңалыклар

 
16.09.2021

Каюм Насыри тат

   Г. Ибраһимов исемендәге Тел, әдәбият һәм сәнгать институты галимнәре күренекле мәгърифәтче Каюм Насыйри һәм танылган әдәбият галиме Ганиева Резеда Кадыйр кызының туган җире – Зеленодольск районы Кече Шырдан авылы музей-китапханәсендә Халыклар бердәмлеге һәм туган телләр елы уңаенан үткәрелгән чарада катнашты.

03.09.2021

   «Татарстан халкының мәдәниятләр калейдоскобы" проекты - Кукмор

   «Татарстан халкының мәдәниятләр калейдоскобы» проекты кысаларында Россия Фәннәр академиясе Урал бүлекчәсенең Удмурт тарих, тел һәм әдәбият институты галимнәре тарафыннан 13–19 август көннәрендә Кукмара районының удмурт халкы тупланып яши торган торак пунктларында фәнни экспедиция оештырылды.

11.08.2021

    ТР Фәннәр академиясенең Г. Ибраһимов исемендәге Тел, әдәбият һәм сәнгать институты тарафыннан нәшер ителүче «Фәнни Татарстан» журналының 2021 елдагы икенче саны дөнья күрде. Гадәттәгечә, чираттагы чыгарылышта укучы игътибарына тел, әдәбият белеме, фольклористика, сәнгать белеме кебек өлкәләрдә тикшеренүләр, шулай ук эпиграфика, тарих һ.б. буенча материаллар, соңгы вакытта дөнья күргән яңа китаплар тәкъдим ителә.

06.08.2021

Г. Ибраһимов ис. Тел, әдәбият һәм сәнгать институты аспирантурасы укырга теләүчеләрне көтә
    Татарстан Республикасы Фәннәр академиясенең Г.Ибраһимов ис. Тел, әдәбият һәм сәнгать институты республикабызда һәм аннан читтә татар филологиясе һәм сәнгать белеме өлкәсендә күппрофильле координацияләү үзәге булып тора.
    Институт галимнәренең бай тикшеренү тәҗрибәсе – лаеклы алмаш тәрбияләү өчен яхшы мәктәп тә ул. Фәнни кадрлар әзерләүнең төп юлы булып аспирантура тора.

13.07.2021

экспедиция в Пензинскую область 2021 - 2 тат

   ТР ФА Г. Ибраһимов исем. Тел, әдәбият һәм сәнгать институтының халык иҗаты бүлеге мөдире, филология фәннәре кандидаты И.И. Ямалтдинов җитәкчелегендәге комплекслы экспедиция 28 июньнән 9 июльгә кадәр Пенза өлкәсенең Городище, Лопатино, Шемышейка, Исса, Лунино районнарында эшләде.

06.07.2021

«Дмитрий Мощевитин. Тормышы һәм иҗаты» исемле китабы тат

    Татарстан Фәннәр академиясе Г. Ибраһимов исем. Тел, әдәбият һәм сәнгать институтының әйдәп баручы фәнни хезмәткәре, сәнгать фәннәре кандидаты Ольга Улемнова һәм Надежда Мощевитинаның «Дмитрий Мощевитин. Тормышы һәм иҗаты» исемле китабы (Казан: Заман, 2020) Россия китап басучылары ассоциациясе үткәрә торган «2020 елның иң яхшы китаплары» конкурсының кыска исемлегенә (шорт-лист) кертелде («Сәнгать буенча иң яхшы басма, фотобасма» номинациясе).

02.07.2021

«Татарстан халкының мәдәниятләр калейдоскобы» проекты Тәтеш районы

«Татарстан халкының мәдәниятләр калейдоскобы» проекты
Тәтеш районы
   2021 елның 28 июненнән 4 июленә кадәр ТР ФА Г. Ибраһимов ис. Тел, әдәбият һәм сәнгать институтының төбәкара проекты кысаларында Тәтеш районы торак пунктларына «Татарстан халыкларының мәдәният төрлелеге» дип аталган комплекслы экспедиция үткәрелде. Ул Туган телләр һәм халыклар бердәмлеге елына әзерләнү һәм үткәрү буенча төп чараларның республика планын тормышка ашыру максатында уздырыла. Экспедициядә эшендә Мордовия Республикасы Хөкүмәте каршындагы Гуманитар фәннәр фәнни-тикшеренү институты фәнни хезмәткәрләре катнаша.

01.07.2021

«Татарстан халкының мәдәниятләр калейдоскобы» проекты Нурлат районы

«Татарстан халкының мәдәниятләр калейдоскобы» проекты
Нурлат районы
   2021 елның 28 июненнән 4 июленә кадәр ТР ФА Г. Ибраһимов ис.Тел, әдәбият һәм сәнгать институтының төбәкара проекты кысаларында Нурлат районы чуваш торак пунктларына «Татарстан халкының мәдәниятләр калейдоскобы» дип аталган комплекслы экспедиция үткәрелде. Ул Туган телләр һәм халыклар бердәмлеге елына әзерләнү һәм үткәрү буенча төп чараларның республика планын тормышка ашыру максатында уздырыла.

25.06.2021

«Татарстан халкының мәдәниятләр калейдоскобы» проекты Әгерҗе районы

«Татарстан халкының мәдәниятләр калейдоскобы» проекты
Әгерҗе районы
     2021 елның 16–21 июньнәрендә ТР ФА Г. Ибраһимов ис. Тел, әдәбият һәм сәнгать институтының төбәкара проекты кысаларында Әгерҗе районы мари торак пунктларына «Татарстан халкының мәдәниятләр калейдоскобы» дип аталган комплекслы экспедиция үткәрелде. Ул Туган телләр һәм халыклар бердәмлеге елына әзерләнү һәм үткәрү буенча төп чараларның республика планын тормышка ашыру максатында уздырыла.

18.06.2021

Экспедиция Тюмень      Г. Ибраһимов исем.Тел, әдәбият һәм сәнгать институтының лексикология һәм диалектология бүлеге мөдире О.Р. Хисамов җитәкчелегендәге фәнни экспедиция бу көннәрдә татарлар күпләп яши торган төбәкләрнең берсе булган Төмән өлкәсенең Төмән һәм Яркәү районнарында эшли.

18.06.2021

Зәки Нури премия

   ТР ФА Г. Ибраһимов исем. Тел, әдәбият һәм сәнгать институтының лексикография бүлеге өлкән фәнни хезмәткәре, филология фәннәре кандидаты, шагыйрә Эльвира Сафина Зәки Нури премиясенә лаек булды.

11.06.2021

Мәдәни якынаю шартларында милли әдәбиятлар- тат

   9 июньдә Татарстан Республикасы Фәннәр академиясендә галимнәр, язучылар, тарихчылар хәзерге этапта милли әдәбиятларны үстерү белән бәйле проблемалар хакында фикер алыштылар. «Мәдәни якынаю шартларында милли әдәбиятлар» Халыкара фәнни-гамәли түгәрәк өстәленең төп оештыручысы булып Г. Ибраһимов исем. Тел, әдәбият һәм сәнгать институты тора. Чара Татарстанда узучы Саха (Якутия) көннәре белән туры килде һәм тугандаш республиканың әдәби җәмәгатьчелеге катнашында узды.

10.06.2021

   Татарстан Республикасы Фәннәр академиясенең Г. Ибраһимов исемендәге Тел, әдәбият һәм сәнгать институты коллективы тарих фәннәре кандидаты Кадыйров Рәшид вафат булу сәбәпле, мәрхүмнең тормыш иптәше, балалары һәм туганнарының тирән кайгысын уртаклаша.
  Рәшид Мәксүм улы Кадыйров – татар әдәбияты классиклары Г.Исхакый, Г.Тукай, Г.Ибраһимов әсәрләрен киң җәмәгатьчелеккә җиткерүгә зур өлеш керткән галим, текстолог, тәрҗемәче.
   Олы йөрәкле, милли җанлы шәхесебезнең рухы тыныч, туфрагы җиңел булсын!

04.06.2021

   2021 елның 9 июнендә Татарстан Республикасы Фәннәр академиясендә «Мәдәни якынаю шартларында милли әдәбиятлар» дигән темага Халыкара фәнни-гамәли онлайн түгәрәк өстәл үткәрелә. Чараның төп оештыручысы булып Татарстан Республикасы Фәннәр академиясенең Г.Ибраһимов исемендәге Тел, әдәбият һәм сәнгать институты тора. Әлеге фәнни һәм иҗади җыен Татарстан Республикасында Саха (Якутия) Республикасы көннәре үткәрелү уңаеннан җыела.
   Түгәрәк өстәлнең төп юнәлешләре: әдәби багланышларны, милли әдәбиятларның үзтәңгәллеген һәм әдәбиятара процессны өйрәнү; хәзерге методологик плюрализм шартларында милли әдәбиятларны тикшерүнең перспектив концепцияләрен эшләү; терминологик аппаратны яңарту, нигез төшенчәләрнең яңа мәгънәләрен билгеләү һәм хәзерге милли әдәбиятларга хас үзенчәлекләрне чагылдыручы яңа терминнар булдыру һ.б.

02.06.2021

Экспедиция Азнакаевский район-тат

    ТР ФА Г.Ибраһимов исем. Тел, әдәбият һәм сәнгать институтының чираттагы комплекслы фәнни экспедициясе 31 май көнне Азнакай районында үз эшен башлады.
    Экспедиция составына халык иҗаты (филология фәннәре кандидаты Ямалтдинов И.И., филология фәннәре докторы Закирова И.Г.), диалектология һәм лексикология (филология фәннәре кандидаты Булатова А.К., Бадретдинова А. А.), этномузыка ( Арсланова Д. Н.), татар эпитафикасы (Усманов В. М.), гарәп графикасында язылган татар кулъязмалары һәм басма китаплары (филология фәннәре кандидаты Галимҗанова Э. М.), халык һөнәрчелеге һәм кәсепләре (Борһанова А. Ф.) буенча галимнәр керә. Ун көн дәвамында алар район татарларының тел үзенчәлекләрен, халык авыз иҗатын, археографик мирасын, эпиграфик һәйкәлләрен, традицион музыка мәдәниятен, татар халык сәнгате үрнәкләрен өйрәнү белән шөгыльләнәчәк.

01.06.2021

   Г. Ибраһимов исем. Тел, әдәбият һәм сәнгать институтының төп эш юнәлешләренең берсе – фәнни экспедицияләр үткәрү.
   2009 елдан институт тарафыннан махсуслашкан (фольклор, диалектологик, археографик һ.б.) экспедицияләр белән беррәттән Россия Федерациясендә татарлар күпләп яши торган төбәкләргә комплекслы фәнни экспедицияләр үткәрелә башлый, аларның нәтиҗәсе буенча «Фәнни экспедицияләр хәзинәсеннән» сериясендәге җыентыклар чыгарыла.

26.05.2021

    Татарстан Республикасы Фәннәр академиясе Г. Ибраһимов исем. Тел, әдәбият һәм сәнгать институтының бер төркем галимнәре – Татарстан Республикасы Хөкүмәтенең «Алгарыш» гранты ияләре, ТӘһСИнең тасвирый һәм декоратив-гамәли сәнгать бүлеге хезмәткәрләре, сәнгать фәннәре кандидатлары Людмила Шкляева, Ольга Улемнова һәм Наталья Герасимова бу көннәрдә Үзбәкстанга сәфәр кыла.

25.05.2021

Саратов Султанова Р. Р.

    ТР ФА Г.Ибраһимов исем. Тел, әдәбият һәм сәнгать институтының тасвирый һәм декоратив-гамәли сәнгать бүлеге мөдире, сәнгать белеме докторы Рауза Солтанова Сарытауга сәфәре вакытында берничә очрашу һәм чарада катнашты.
   Өлкә татарларының халык кәсепләрен өйрәнү максатыннан 17, 19 май көннәрендә ул туган якны өйрәнү, этнография, татар гимназиясе музейлары коллекцияләре белән танышты. Шулай ук Сарытау өлкәсе татарларының милли-мәдәни автономиясе активистлары Ф. Ә. Рәшитов, Р. И. Ишмөхәммәтов, «Сарытау» ОМТО вәкиле Р. Әсфәндияров һәм башкалар белән очрашуларда булды.

24.05.2021

     Г.Ибраһимов исемендәге Тел, әдәбият һәм сәнгать институты хезмәткәрләре 20-21 майда Абакан шәһәрендә узган «Себернең төп халыклары телләрен һәм мәдәниятләрен саклау һәм үстерү» Төбәгара фәнни семинар эшендә катнашты. Чара Н.Ф. Катанов исемендәге Хакас дәүләт университеты, Хакасия Республикасының Милли һәм территориаль сәясәт, Мәгариф һәм фән, Мәдәният министрлыклары тарафыннан оештырылган иде.

24.05.2021

    Татарстан Республикасы Фәннәр академиясенең Г.Ибраһимов исемендәге Тел, әдәбият һәм сәнгать институты директоры, филология фәннәре докторы, профессор, ТР ФА мөхбир әгъзасы Ким Миңнуллин һәм халык иҗаты бүлегенең баш фәнни хезмәткәре, филология фәннәре докторы Илсөяр Закирова, “Мөслим районы һәм Көнчыгыш Татарстан: үткәннән – бүгенге көнгә (этномәдәни үсеш, телләр, традицияләр Һәм новацияләр)” Бөтенроссия фәнни-гамәли, тарихи, туган якны өйрәнүчеләр конференциясендә институт галимнәренең татар рухи мирасын фәнни өйрәнү өлкәсендәге эшчәнлеге турында чыгыш ясадылар.

Год науки и технологий Антитеррористическая комиссия в Республике Татарстан Культурное наследие Татарстана Центр перспективных экономических исследований Академии Наук РТ 50 лучших инновационных идей для Республики Татарстан Виртуальный музей-библиотека Академии Наук Республики Татарстан Татарстанский ЦНТИ